loklokchoy的部落格

有呀, 人生實有多少次... 真係好邪 !
十幾歲時, 情荳初開, 做暑期工 暗戀公司 一個男仔, 佢住係附近的, 一齊搭車, 有傾有講, 暑假完了, 大家都無做, 無見過佢, 也無佢電話, 成日想撞返佢, 有時係巴士站, 突登打扮靚D 專登企耐D, 睇下撞吾撞到佢, 後來, 兩年了, 也無撞見過佢... 有一次, 去電髮, 以前興大波浪, 但眾所周知, 剛電完髮 係幾樣衰架啦! 電完 立即飛快跳上小巴, 本來車程5分鐘就返到屋企, 點知在第2個街口, 個暗戀個男仔, 突然同幾個fd上左黎, 見到我好開心, 重坐係我前面, 成個身轉過來向住我傾計, 唉! 我夾硬同佢傾左十幾句近況, 重問佢, 我剛電左髲, 係咪好肉酸呀 ! 佢無出聲.... 你地話啦!, 呢個世界, 邊有 o甘橋同o甘黑仔架 ~ 自從果次之後, 我突然對佢死左心, 強烈感覺 我地真係無緣, 無再諗佢了 ~ (小插曲) 數年後, 佢係我做野的地方撞到我, 之後就 成日搵我, feel到佢有小小意思, 而那時, 我同佢都係單身, 但我已經對佢, 完全沒有了那種愛慕的情懷, 愛的feeling了, 所以, 我同佢, 一直都只是朋友! 但互相心底都知道, 曾幾何時, 我們都曾經很熱熾暗中的愛慕過對方, 有時, timing不對真是不對,我們都無話可說, 不能成事就是不能, 愛 真的是受操控於天意 ~

多年來 偶然聽到D肥姐既壞話, 無從考究...但 親眼睇到, 佢有功勞, 都教得欣宜幾好,
我之前都好鐘意睇肥姐既 友緣相聚,
佢個人都幾有情有義 又開心, 學到吾少野 ~
今晚欣宜節目 我無睇, 但肥姐都教得佢幾硬淨, 是實正派 ! 不是時下掛住整容靠樣 露身材那些而已..
真心喜歡她兩個,
唯獨上天有點遺憾, 看得出肥姐是好愛秋官,
一個這麼渴求愛情的肥妹仔... 而上天偏偏o甘簡單, 平常人不難得到的愛情...
而肥姐卻這麼難得到 ~ 但她其他的東西 事業 真正親情 友情, 卻得到比我們一般要多得多...
人生就是這樣, 學習珍惜擁有的, 而不強求上天沒有賜給自己的...
希望 欣宜越過越好, 後生女 減下肥, 美美的, 組織個幸福的小家庭, best wishes ~

吾知點解, 我細細個開始, 從來 都吾會好羨慕人地靚呀 叻呀 有錢呀...
是真的, 可以話係 完全無feel... 可能 性格真係有D係天生既...
我屋企又係差吾多, 同我C6屋企都係有D教大學 會計師之類, 最近 重做埋選委..
但我都係無嘜感覺, 無覺得因為佢地係點... 我就要點...之類...
我只在乎 自己有無努力生活過... 有沒有 為所要的東西, 去努力過 爭取過,... 一般, 我對自己盡左力的東西, 問心無愧, 做好本份, 便可以 好心安理得, 別人, 成績如何, 好像, 也與我無關吧 ~ 唉! 人生很短暫而已, 匆匆, 眨眼又幾十年架啦! 重要 比來比去, 人比人, 真的會比死人的, 不如, 珍惜自己擁有的, 做多點開心自己的事情 算吧~ 所以 瓦努阿圖的人 生活很原始 除了基本生活所需之外 什麼也沒有, 但也很開心 是世界快樂淨土, 居民都是快樂人生~